Túrkııada zilzala qurbandarynyń sany 19 myńnan asty
«Tabıǵat apaty saldarynan 19,3 myń adam qurban boldy», dedi Túrkııa Prezıdenti Rejep Taııp Erdoǵan.
10 provıntsııadaǵy apat bolǵan aımaqtarda izdestirý-qutqarý jumystaryna shetelden kelgen qutqarýshylardy qosa alǵanda 141 myń adam jumyldyrylǵan.
Túrkııa basshysy eldiń ońtústigindegi joıqyn jer silkinisiniń saldarymen kúreske úles qosyp júrgen azamattardyń barlyǵyna alǵys bildirdi.
Rejep Taııp Erdoǵan memlekettiń tabıǵat apatynan zardap shekken adamdardyń barlyǵyna kómektesýge daıyn ekenin málimdedi.
Ol apat aımaǵyndaǵy el turǵyndaryn zilzalanyń saldarymen kúreste memleketke senim artýǵa shaqyrdy.
Túrkııa prezıdenti apat bolǵan aımaqtan kelgenderdi panalatqandarǵa aıyna 5 myń túrik lıri, al baspanany jalǵa alyp jatqandarǵa 2 myń lıri tólenetinin aıtty.
Memleket basshysy Kahramanmarashtan bastalǵan jer silkinisi qurbandarynyń sany 19 388 adamǵa jetkenin, sondaı-aq 77 711 adamnyń zardap shekkenin málimdedi.
Foto : aa.com.tr