Túrkııada júrgen otandasymyz jer silkinisi týraly: Úreı áli basylǵan joq

ASTANA. QazAqparat – Qazaqstandyq Lázzat Myrzash Túrkııadaǵy jer silkinisiniń kýási bolǵan. Qazir ol balalarymen meıramhana ǵımaratyn panalyp otyr. Sondaı-aq ol Túrkııadaǵy zilzala apat týraly áleýmettik jelidegi paraqshasyna jazbalaryn jarııalaǵan edi, dep habarlaıdy QazAqparat tilshisi.

«Túrkııadamyz degennen keıin kóptegen adamdar, aǵaıyn-týystaryn ýaıymdap surap jatyr. Rasynda jaǵdaı ýaıymdaıtyndaı. Jer silkinisi bizge jaqyn 2 saǵattyq Kahramanmarash degen jerde bolyp jatyr. Onyń áseri bizge qatty sezilip jatyr. Qudaıǵa shúkir, qazir balalarmen jyly jerde otyrmyz», - degen jazba jarııalady Facebook paraqshasynda.

Onyń málimdeýinshe, búginde kóppáterli úıdiń astyńǵy qabatynda turatyndar úılerine qaıtyp jatyr.

«Biz joǵary qabatta turatyndyqtan táýekelge barmaı otyrmyz. Keshe bolǵan jer silkinisin jetkize almaımyn, úreı áli basylǵan joq. Úı teńselgen kezde eki balamdy qolyma ustap turdym, qırandynyń astynda qalatyn shyǵarmyz degen qaýip boldy. Qarasam kórshiler syrtqa shyǵyp jatyr eken, men de balalarymdy alyp dalaǵa júgirdim», - deıdi ol.

Jerlesimiz bala-shaǵasymen 2 saǵat boıy dalada júrgen.

«Araǵa ýaqyt salyp taǵy jer silkindi. Balalarymdy kıindirip te úlgermegen edim, zilzala azdap basylǵannan keıin úıge kirip, kıim-keshek alyp shyqtym. Sodan soń pana izdep meshitke odan keıin sport zalǵa bardyq. Qazir bir meıramhanada otyrmyz. Ana jaqta tamaq berip jatyr. Bul jerde jyly ári yńǵaıly. Ázirge osynda bolamyz, sebebi úıge barýǵa qorqamyz. Munda qansha bolatynymyz belgisiz», - deıdi otandasymyz.

Foto: Sertac Kayar / Reuters