Túrkııada jolaýshylar avtobýsy aýdaryldy: qaza tapqandar bar

<p>ASTANA.KAZINFORM &mdash; Túrkııanyń ortalyǵyndaǵy Aqsaraı provıntsııasynda qalaaralyq avtobýs aýdarylyp qaldy. Oqıǵa saldarynan 7 adam qaza taýyp, 34 adam jaraqat aldy.</p>

Aqsaraı provıntsııasynyń gýbernatory Mehmet Alı Kýmbýzoglý atap ótkendeı, avtobýs apaty qaladan 25 shaqyrym jerde bolǵan.

Onyń aıtýynsha, oqıǵa ornynda tergeý jumystary bastaldy. Qazirgi ýaqytta quzyrly organdar zardap shekkenderdiń keıbiriniń máıitin anyqtap jatyr. Keıbir zardap shekkenderdiń jaǵdaıy aýyr. Medıtsınalyq kómekke muqtaj barlyq jolaýshylar jaqyn mańdaǵy aýrýhanalarǵa jetkizildi.

Ankara-Aqsaraı jol baǵyty qosymsha qaýipsizdik úshin ýaqytsha jabyldy. 

Jalpy Túrkııa joldarynyń qaýiptiligi joǵary. Resmı derekterge sáıkes, 2023 jyly elde jol-kólik oqıǵasy saldarynan 6548 adam qaıtys bolǵan. Jolaýshylar avtobýsynyń oqıǵasy eldegi jol qaýipsizdigin jaqsartý jáne jol qozǵalysyn qadaǵalaýdy kúsheıtý qajettigin taǵy bir márte kórsetti.

Buǵan deıin Túrkııada qazaqstandyq týrıster mingen avtobýs apatqa ushyraǵan bolatyn.