Túrkııada jer silkinisinen kóz jumǵandar sany 42,3 myńnan asty

ANKARA. Anadoly-QazAqparat – Epıtsentri Túrkııanyń Kahramanmarash aımaǵynda bolǵan jer silkinisinen mert bolǵandar sany 42 310 adamǵa jetti. Bul týraly Túrkııa úkimeti janyndaǵy tabıǵı apattar jáne tótenshe jaǵdaılarmen kúres basqarmasy (AFAD) málim etti, dep habarlaıdy QazAqparat Anadoly agenttigine silteme jasap.

Kahramanmarash, Gazıantep, Shanlyýrfa, Dııarbakyr, Adana, Adyıaman, Osmanıe, Hataı, Kılıs, Malatııa jáne Elıazyg provıntsııalarynda kóptegen adam shyǵyny tirkeldi.

Apat aımaǵynan evakýatsııalanǵandar sany 448 018 adamǵa jetti.

Qazirgi ýaqytta apat aımaǵyna AFAD, Túrik qarýly kúshteri, jaǵalaý kúzeti, órtke qarsy qyzmet, úkimettik emes uıymdar, sondaı-aq halyqaralyq qurylymdardy qosqanda 14 740 qyzmetker jumyldyrylǵan.

Jalpy, jer silkinisi bolǵan aımaqtarda 242 392 adam, onyń ishinde polıtsııa, jandarmerııa, jedel járdem jáne t.b. bar.

Qoqys shyǵarýǵa 13 700 tehnıka jumyldyryldy.

Ulttyq qorǵanys mınıstrligi men jaǵalaý kúzeti qolbasshylyǵy qyzmetkerlerdi tasymaldaý, gýmanıtarlyq kómek jáne halyqty evakýatsııalaý úshin barlyǵy 38 keme bóldi.

301 289 shatyrdy ornatý aıaqtaldy.

Sondaı-aq, oblysta 6375 modýldik úı qurylǵan.

Foto: aa.com.tr