Túrkııada jer silkinisinen kóz jumǵandar sany 21 myńnan asty
Túrkııa úkimeti janyndaǵy apattar men tótenshe jaǵdaılar basqarmasynyń (AFAD) sońǵy málimetine qaraǵanda, Túrkııadaǵy jer silkinisinen zardap shekkenderdiń sany 21 043-ke jetken, 80 097 adam jaralandy.
Túrkııadaǵy alapat zilzala 6 aqpan kúni Túrkııanyń Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen bastalǵan edi.
Jer silkingennen keıin artynan 648 aftershok bolǵan.
Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.
8 aqpanda túrik elinde 5,4 magnıtýdasymen taǵy bir silkinis tirkeldi.
Eske salaıyq, Qazaqstan qutqarýshylary mingen bort 7 aqpan kúni Gazıantepke attanǵan bolatyn. Mamandarymyzdyń ekinshi toby Gazıantepke keshke keshqurym jetti.
Túrik elinde zilzala kezinde joǵalyp ketken birneshe qazaqstandyq tabyldy. Onyń biri – Sabına Mamadıarova 8 aqpan kúni úıindi astynan aman shyǵaryldy.
Hataıda jumys istep jatqan qazaqstandyq qutqarýshylar Ádil Qadirbekovtiń óli denesin tapty. Kóp uzamaı Mırbolat Qurmashevtiń denesi de qırandy astynan tabyldy.