Túrkııada jer silkinisinen kóz jumǵandar sany 20 myńnan asyp ketti
Túrkııa úkimeti janyndaǵy apattar men tótenshe jaǵdaılar basqarmasynyń (AFAD) sońǵy málimetine sensek, Túrkııadaǵy jer silkinisinen zardap shekkenderdiń sany osy saǵatqa deıin 20 213-ke jetken, 80 052 adam jaralandy.
Aıta keteıik, Túrkııada jer silkinisine ushyraǵan provıntsııalardaǵy ǵımarattardy salǵan jáne qabyldap alǵan jaýapty adamdarǵa qatysty tergeý bastaldy. Bul jaıynda Túrkııanyń Ádilet mınıstri Bekır Bozdaǵ málimdedi.
Osylaısha keshe Hataı qalasynda jer silkinisi kezinde qulaǵan «Renessans» rezıdentsııasynyń merdigeri Mehmet ıAshar Koshkýn Ystanbul áýejaıynda ustaldy.
Túrkııadaǵy alapat zilzala 6 aqpan kúni Túrkııanyń Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen bastalǵan edi.
Jer silkingennen keıin artynan 648 aftershok bolǵan.
Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.
8 aqpanda túrik elinde 5,4 magnıtýdasymen taǵy bir silkinis tirkeldi.
Eske salaıyq, Qazaqstan qutqarýshylary mingen bort 7 aqpan kúni Gazıantepke attanǵan bolatyn. Mamandarymyzdyń ekinshi toby Gazıantepke keshke keshqurym jetti.
Túrik elinde zilzala kezinde joǵalyp ketken birneshe qazaqstandyq tabyldy. Onyń biri – Sabına Mamadıarova 8 aqpan kúni úıindi astynan aman shyǵaryldy.
Hataıda jumys istep jatqan qazaqstandyq qutqarýshylar Ádil Qadirbekovtiń óli denesin tapty. Kóp uzamaı Mırbolat Qurmashevtiń denesi de qırandy astynan tabyldy.