Túrkııada jer silkinisinen keıin qırap qalǵan bútin bir qala súriledi

GAZIANTEP. QazAqparat - Túrkııanyń Gazıantep provıntsııasyndaǵy Nurdaǵy qalasy tolyǵymen súriledi, dep habarlaıdy QazAqparat Haber Global telearnasyna silteme jasap.

Búgin provıntsııanyń gýbernatory Osman Bılgın osyndaı sheshim qabyldanǵanyn jarııa etti.

Jer silkinisinen qatty zardap shekken Gazıanteptiń Nurdaǵy qalasy 100 paıyz súrilip, qaıtadan salynady.

Búgin - zilzaladan keıingi segizinshi kún. Qazir munda úıindi men qoqysty jınastyrý jáne izdeý-qutqarý jumysy júrip jatyr.

- Bizdiń búkil jedel toptar birge jumys istep jatyr. Árqaısysy óz úlesin aıanbaı qosyp keledi. Nurdaǵy qalasyndaǵy sońǵy 8 páterde jumys jalǵasyp jatyr. Biz kóp adamnan aıyrylyp qaldyq. Degenmen bul apatqa da shamamyz kelgenshe qarsy turamyz, - dedi gýbernator búgin.

Foto: iStock