Túrkııada jer silkinisinen qaza tapqandar sany 48 myńnan asty
08:38, 15 Naýryz 2023
ANKARA. QazAqparat - Túrkııa vıtse-prezıdenti Fýat Oktaı tótenshe jaǵdaılar basqarmasynyń (AFAD) ortalyǵynda baspasóz máslıhatyn ótkizdi. Ol 2023 jyldyń 6 aqpanynda bolǵan jer silkinisiniń saldarynan Kahramanmarashta 48 448 adamnyń qaza tapqanyn aıtty, dep habarlaıdy QazAqparat Anadoly agenttigine silteme jasap.
Vıtse-prezıdenttiń aıtýynsha, 3 myńnan astam qutqarýshy apat aımaqtarynda áli de jumys júrgizip jatyr.
Apat aımaǵynda 1 mıllıon 805 myń 842 ǵımarat tekserilip, 653 myń turǵyn úı apatty jáne ortasha zaqymdanǵan dep tanylǵan.
Qoqystyń 20 paıyzy shyǵaryldy.