Túrkııada jer silkinisinen qaza bolǵan adam sany 9 057-ge jetti

ANKARA. ANADOLÝ-QazAqparat – Túrkııada jer silkinisinen qaza tapqandar sany 9 057-ge deıin ósti, taǵy 52 979 adam jaralandy, dep habarlaıdy QazAqparat Anadolý agenttigine silteme jasap.

Búgin Túrkııa prezıdenti Rejep Taıyp Erdoǵan Kahramanmarash qalasynda joıqyn jer silkinisinen ardap shekken azamattardyń shatyrly qalashyǵyna bardy. Prezıdent Onıkıshýbat stadıonyna kelip, qaza tapqandardyń týystary men jaqyndaryna kóńil aıtyp, jaralanǵandardyń tezirek saýyǵyp ketýin tiledi.

R. T. Erdoǵan barlyq qıraǵan ǵımarattardyń turǵyndary jańa páter alatynyn aıtty.

«Biz bul qıyndyqty jeńip shyǵamyz. Bir jaǵynan úıindiler arshylyp, ekinshi jaǵynan jańa ǵımarattardyń qurylysy bastalady. Bul biraz ýaqytty alady, biraq bári tezirek jasalady», - dedi ol.

Sońǵy málimetter boıynsha, Túrkııada jer silkinisi kezinde qaza tapqandar sany 9 057-ge deıin ósti, 52 979 adam jaralandy, 6 444 ǵımarat qırady.

Aıta keteıik, qazaqstandyq qutqarýshylardyń ekinshi toby Túrkııanyń Gazıantep qalasyna jetti. Ekinshi top quramynda 60 adam, olardyń ishinde TJM qutqarýshylary, Apattar medıtsınasy ortalyǵynyń dárigerleri, kınologııalyq esepter bar.

Foto: Agentstvo Anadolý