Túrkııada jer silkinisi jaǵdaıynda aýqymdy oqý-jattyǵý ótti

ASTANA. Anadoly-QazAqparat - Habarlama telearnalar men radıolarda taratyldy, al oqý-jattyǵý barysynda qala turǵyndary aldyn ala belgilengen senimdi jerde «myqtap usta» qozǵalysyn jasady, dep habarlaıdy QazAqparat Anadoly agenttigine silteme jasap.

Aqparatty izdeý jáne taratý júıesindegi (HAY) habarlandyrýlar meshitter men mýnıtsıpalıtetterdiń daýys zoraıtqyshy arqyly taratyldy.

Jattyǵý kezinde dúrbeleń bolmas úshin sırenalar qosylmady.

Jattyǵý bastalmas buryn eldiń ishki ister mınıstri Súleıman Soılý tikeleı efırde Dıýzdje, Ystanbul, Izmır, Elıazyg, Kahramanmarash, Erzýrýmnan gýbernatorlar men aımaq basshylarynan aqparat aldy.

Tikeleı efırde Dıýzdje provıntsııasynyń múftıi Rústem Jan 1999 jyly 12 qarashada bolǵan jer silkinisinen qaza tapqandar úshin duǵa etti.

Shara bastalar aldynda AFAD basshysy ıÝnýs Sezer oqý-jattyǵý týraly tolyq aqparat berdi.

18.57 kezinde jer silkinisi týraly eskertý jarııalandy, AFAD ortalyǵynda da, baılanys ornatylǵan provıntsııalarda da qatysýshylar «myqtap usta» qozǵalysyn jasady.

Oqý-jattyǵý sheńberinde apat kezinde jáne odan keıin ne isteý kerektigi týraly aqparat stendter men kólikte taratyldy, onda apat saldaryn joıý týraly tolyq aqparat bar.

Foto: Anadoly agenttigi