Túrkııada jer silkinisi qurbandarynyń sany 912-ge jetti

ASTANA. QazAqparat – Túrkııanyń Kahramanmarash provıntsııasynda bolǵan jer silkinisi saldarynan qurban bolǵandar sany 912 adamǵa jetti, 5385 adam jaraqat alǵan, dep habarlaıdy QazAqparat Túrkııanyń Anadolu agenttigine silteme jasap.

Oshaǵy Túrkııanyń ońtústik-shyǵysyndaǵy Kahramanmarash provıntsııasynyń Pazardjık aımaǵynda bolǵan 7,4 baldyq jer silkinisi saldarynan 912 adam qaza taýyp, 5385 adam jaraqat aldy. Bul týraly Túrkııa prezıdenti Rejep Taıyp Erdoǵan málimdedi.

Onyń sózinshe, bul elde 1939 jyly bolǵan zilzaladan keıingi eń qýatty jer silkinisi bolyp otyr. Ol kezde 33 myń adam mert bolǵan edi, 100 myń adam jaraqat aldy. Sondaı-aq zilzaladan Sırııanyń Aleppo, Latakııa jáne Tartýs sııaqty birneshe provıntsııasy qırady.

Redjep Taııp Erdoǵan Ankaranyń álemniń 45 memleketinen kómek kórsetý jóninde usynys túkenin málim etti.

Aıta keteıik, osyǵan deıin Qazaqstan Prezıdenti Qasym-Jomart Toqaev Túrkııa basshysyna kóńil aıtty. Sondaı-aq ol Úkimetke Túrkııaǵa shuǵyl kómek kórsetýdi tapsyrdy.

Foto: aa.com.tr