Túrkııada jer silkinisi qurbandarynyń sany 40,6 myńnan asty

ANKARA. ANADOLY – QazAqparat - Epıtsentri Túrkııanyń Kahramanmarash provıntsııasynda bolǵan eki joıqyn jer silkinisiniń qurbandary sany 40 642 adamǵa jetti. Bul týraly senbi kúni Ankarada ótken brıfıngte Túrkııa úkimeti janyndaǵy tabıǵı apattarmen jáne tótenshe jaǵdaılarmen kúres departamentiniń (AFAD) basshysy ıÝnýs Sezer málimdedi, dep habarlaıdy QazAqparat Anadoly agenttigine silteme jasap.

Onyń aıtýynsha, apat aımaǵyndaǵy izdestirý-qutqarý jumystaryn jeksenbi, 19 aqpanda aıaqtaý josparlanǵan.

«Qazir izdeý-qutqarý jumystaryna 13 myńǵa jýyq adam qatysýda. Shetelden kómekke kelgenderge shyn júrekten alǵys aıtqym keledi. 80 elden kelgen qutqarýshylardyń bir bóligi otanyna oraldy», - dedi AFAD basshysy.
Sezer jer silkinisinen zardap shekken provıntsııalardaǵy turǵyn úı qorynyń 50 paıyzdan astamynyń jaǵdaıyn baqylaý aıaqtalǵanyn aıtty.
AFAD basshysy tek ózi basqaratyn departament jelisi arqyly ǵana apat aımaǵynan 430 myńnan astam adam evakýatsııalanǵanyn atap ótti. Eldiń Syrtqy ister mınıstrliginiń málimetinshe, Túrkııadaǵy qoqystardy joıýǵa 88 elden 11 myń qutqarýshy qatysqan.
Esterińizge sala keteıik, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.
Prezıdent Rejep Taıyp Erdoǵan tabıǵı apat qurbandaryna baılanysty Túrkııada jeti kúndik ulttyq aza tutý jarııalady.
Foto: aa.com.tr