Túrkııada jarylystan zardap shekkender arasynda qazaqstandyqtar joq - SІM
16:28, 31 Jeltoqsan 2022
ASTANA. QazAqparat - Túrkııa meıramhanasynda jarylys saldarynan zardap shekkenderdiń arasynda Qazaqstannyń azamattary joq, dep habarlaıdy QazAqparat tilshisi.
Atalǵan aqparatty QazAqparat tilshisine QR Syrtqy ister mınıstrliginiń baspasóz qyzmeti rastady. Sondaı-aq, vedomstvodan bul sońǵy derek ekeni aıtyldy.
Aıta ketsek, Túrkııanyń Nazıllı qalasynda meıramhanada jarylys bolyp, 7 adamnyń qaza tapqany týraly habarlaǵan edik. Meıramhanada 20-dan astam adam bolǵan.
TRT telearnasynyń habarlaýynsha, jarylys meıramhananyń ashanasynda jergilikti ýaqyt boıynsha saǵat 15:30-da gaz ballonyn aýystyryp jatqan kezde tirkelgen. Zardap shekkender jergilikti aýrýhanalarǵa jetkizildi, olardyń jaǵdaıy aýyr dep habarlandy.