Túrkııada Jambyl týraly kitap tanystyryldy
Іs-sharaǵa Qazaqstannyń Túrkııadaǵy Elshisi Abzal Saparbekuly, Kechıoren mýnıtsıpalıtetiniń basshysy Týrgýt Altynok, Eýrazııa Jazýshylar odaǵynyń tóraǵasy ıAkýb Ómeroglý, TÚRKSOI Bas hatshysynyń orynbasary Bılal Chakydjı, EkoEýrazııa qaýymdastyǵynyń tóraǵasy Hıkmet Eren, depýtattar, sheteldik dıplomatııalyq mıssııalardyń ókilderi, qazaqstandyq jastar jáne jergilikti halyq qatysty.
Mýnıtsıpalıtettiń basshysy T.Altynok sóılegen sózinde bizdiń elderimizdiń baýyrlas qarym-qatynastaryna nazar aýdaryp, Elbasy Nursultan Nazarbaevtyń túrki halyqtarynyń yntymaqtastyǵyn damytýǵa baǵyttalǵan jeke úlesin atap ótti.
Belgili aqyn týraly kitapty aýdarýdyń úılestirýshisi bolyp tabylatyn ıA.Ómeroglý J. Jabaevtyń shyǵarmashylyǵyn zertteýge úlken úles qosqan M.Joldasbekovtyń shyǵarmalarynyń tereńdigin atap ótti. Jazýshylar odaǵynyń tóraǵasy kitap basyp shyǵarǵany úshin barlyǵyna alǵys aıtyp, túrik oqyrmandary qazaq halqyn jańa qyrynan tanıtyndyǵyna nazar aýdardy.
A. Saparbekuly Elbasy N.Nazarbaevtyń ulttyq kodty qalyptastyrý jónindegi bastamalaryna nazar aýdaryp, Tuńǵysh Prezıdenttiń túrki ıntegratsııasy jolyndaǵy naqty qadamdary týraly aıtyp berdi. Qazaqstannyń mádenı dıplomatııa salasyndaǵy jumysy týraly aıta kele, Elshi Kechıoren mýnıtsıpalıtetiniń eki el arasyndaǵy mádenı yntymaqtastyqty nyǵaıtýǵa qosqan úlesin joǵary baǵalady.
Óz sózinde qazaqstandyq dıplomat tarıhı-mádenı murany saqtaý jáne kópshilikke taratý mańyzdylyǵyn aıta otyryp, memleket qaıratkeri, professor M.Joldasbekov elimiz úshin asa qundy tarıhtardyń kóp qyryn ashyp, Uly dalanyń aqynynyń týyndysy qazaq mádenıetiniń entsıklopedııasy bolyp tabylatyndyǵyn atap ótti.
Ankara ýnıversıtetiniń oqytýshysy, dotsent Djemıle Kynadjy jáne aýdarmashy Ýfýk Týzman qazaq ádebıeti, túrkitildes halyqtar mádenıetiniń uqsastyqtary jáne ádebı shyǵarmalardy aýdarý jumystary týraly taldamalyq baıandama jasady.
Saltanatty shara sońynda «Otaý» qaýymdastyǵynyń oryndaýynda Jambyl Jabaevtyń óleńderi oqyldy.
Foto: egemen.kz