Túrkııada jalǵan alkogolden zardap shekkender sany 30-ǵa jetti

<p>ASTANA.KAZINFORM &mdash; Túrkııada jalǵan alkogolden zardap shekkender sany áli artyp, sońy qaıǵyly jaǵdaıǵa ulasyp otyr, dep habarlaıdy Kazinform agenttiginiń <a href="https://www.inform.kz/ru/kolichestvo-zhertv-ot-kontrafaktnogo-alkogolya-v-stambule-uvelichilos-do-30-chelovek-cd693a" target="_blank" rel="noopener">menshikti tilshisi</a>.</p>

Ystanbul bıligi sońǵy 72 saǵatta alkogolden ýlanýdyń 80 oqıǵasy tirkelgenin, onyń 30-y ólimmen aıaqtalǵanyn habarlady. Qalalyq aýrýhanalarda 49 adam emdelip jatyr, onyń 31-i jalǵan alkogolden ýlanyp, jansaqtaý bóliminde jatyr. Jalpy, jyl basynan beri qaza tapqandar sany 41 adamǵa ósti.

Foto: www.ntv.com.tr

Tergeý barysynda kontrafaktilik alkogol óniminiń qaı jerde satylǵany anyqtaldy. Belgili bolǵandaı, Ystanbuldyń Bashakshehır aýdanynda «Túrkimen ashanasy» degen jazýmen kádimgi aýyz sý atyn jamylǵan jalǵan alkogol bótelkeleri 30 túrik lırasynan (shamamen 455 teńge) satylyp jatqan. Ýly alkogoldi zańsyz satý nátıjesinde dámhananyń jumysy toqtatylyp, úı-jaılary mórlendi.

Foto: www.ntv.com.tr

Qala bıligi tekserý jumystaryn jalǵastyryp, turǵyndardy alkogoldik ónimderdi satyp alǵanda abaı bolýǵa shaqyrdy. Mundaı qaıǵyly oqıǵalardy boldyrmaý úshin alkogoldi tek senimdi jerlerden satyp alý usynyldy.

Buǵan deıin Ystanbulda sertıfıkaty joq alkogoldi ishimdikterdi iship, birneshe kún ishinde 19 adam qaıtys bolǵanyn, taǵy 65 adamnyń aýyr ýlaný belgilerimen aýrýhanaǵa jatqyzylǵanyn jazǵan edik.