Túrkııada Troıa jylqysynyń músinin qalpyna keltirý jumysy aıaqtalýǵa jaqyn

<p>ASTANA. KAZINFORM — Túrkııanyń Mádenıet jáne týrızm mınıstrligi tarıhy 5500 jylǵa sozylatyn kóne Troıa qalasynyń aýmaǵynda aǵashtan jasalǵan jylqy músinin qaıta jańǵyrtyp jatyr, dep jazady <a href="https://www.aa.com.tr/ru/%D1%82%D1%83%D1%80%D1%86%D0%B8%D1%8F/%D0%B2-%D0%BF%D1%80%D0%BE%D0%B2%D0%B8%D0%BD%D1%86%D0%B8%D0%B8-%D1%87%D0%B0%D0%BD%D0%B0%D0%BA%D0%BA%D0%B0%D0%BB%D0%B5-%D0%B1%D0%BB%D0%B8%D0%B7%D0%B8%D1%82%D1%8C%D1%81%D1%8F-%D0%BA-%D0%B7%D0%B0%D0%B2%D0%B5%D1%80%D1%88%D0%B5%D0%BD%D0%B8%D1%8E-%D1%80%D0%B5%D1%81%D1%82%D0%B0%D0%B2%D1%80%D0%B0%D1%86%D0%B8%D1%8F-%D1%81%D1%82%D0%B0%D1%82%D1%83%D0%B8-%D1%82%D1%80%D0%BE%D1%8F%D0%BD%D1%81%D0%BA%D0%BE%D0%B3%D0%BE-%D0%BA%D0%BE%D0%BD%D1%8F/3310798" target="_blank" rel="noopener">Anadoly.</a></p>

Troıa jylqysynyń músini Chanakkale provıntsııasyndaǵy Tevfıkıe aýylynyń mańynda ornalasqan ejelgi Troıa qalasynyń kireberisinde tur.

Troıa jylqysy Gomerdiń eki poemasy — «Ilıada» jáne «Odısseıa» arqasynda keńinen tanyldy.

Aǵash músinniń qurylysy Chanakkale murajaıynyń dırektory Ilhan Akshıttiń usynysymen 1973 jyly bastalǵan.

Foto: Anadoly agenttigi

Bıiktigi 15 metr bolatyn aǵash músin 1974 jyly kópshilikke tanystyryldy.

Qalpyna keltirý jumystary aıasynda aǵash músinniń tozǵan bólikteri jańartyldy. Qazirgi ýaqytta atty qalpyna keltirý jumystary aıaqtalýǵa jaqyn.

Músin 31 tamyz ben 8 qyrkúıek aralyǵynda ótetin Chanakkale mádenı joly festıvali aıasynda kópshilik nazaryna usynylady.

Foto: Anadoly agenttigi

Troıa murajaıynyń dırektory Rydvan Geljúktiń aıtýynsha, Troıa týraly ańyzda aıtylatyn, ǵasyrlar boıy áskerı trıýk retinde sıpattalǵan troıalyq jylqy — álemdegi eń mańyzdy eskertkishterdiń biri.

«1974 jyly Túrkııanyń Mádenıet jáne týrızm mınıstrligi ejelgi Troıa qalasynyń mańynda aǵash jylqy ornatý ıdeıasyn usynǵan», — deıdi ol.