Túrkııada terakt boldy

<p>ANKARA. KAZINFORM &ndash; Túrkııanyń Ankara qalasynda áskerı ushaqtar men ǵarysh tehnıkasyn shyǵaratyn &laquo;TUSAŞ&raquo; korporatsııasy ǵımaratynyń janynda terakt boldy. Bul týraly <a href="https://www.iha.com.tr/haber-tusasta-patlama-meydana-geldi-1189130" target="_blank" rel="noopener">IHA</a> agenttigi habarlady.</p>

Búgin, 23 qazanda Ankaranyń Kahramankazan aýdanyndaǵy Túrik aeroǵarysh ónerkásibi (TAI) nysandaryna lańkestik áreket jasaldy. Obektter aldynda atys pen jarylystar estilgen.

Foto: Yeni Şafak

Bul jaǵdaıǵa baılanysty Іshki ister mınıstri Alı Erlıkaıa málimdeme jasady.

– Ankaranyń Kahramankazan nysandaryna terakt jasaldy. Ókinishke oraı, qurban bolǵandar men jaralanǵandar bar. Alla rahymyna alsyn, – dedi mınıstr. 

Málimdemede qurbandar men jaralanǵandardyń naqty sany aıtylmady. 

Lańkestik áreketten keıin oqıǵa ornyna jedel járdem, órt sóndirý qyzmeti jáne qaýipsizdik toby kelgen.