Túrkııada prezıdent jáne parlament saılaýy ótip jatyr
Saılaý ýchaskeleri tańǵy 8:00-de ashylyp, jergilikti ýaqyt boıynsha 17:00-de jabylady.
Elde barlyǵy 191 885 daýys berý jáshigi ornatyldy.
Túrkııada jáne shetelde 64,1 mıllıonnan astam saılaýshy daýys beredi. 4,9 mıllıonǵa jýyq adam birinshi ret daýys berip jatyr.
Saılaýshylar jeke basyn kýálandyratyn resmı qujattardyń birimen daýys bere alady.
Saılaýshylarǵa 2 bıýlleten beriledi: prezıdent pen depýtattar úshin. Saılaýshylar eki bólek bıýlletendi bir konvertke salyp, daýys berý jáshigine salýy tıis.
Túrkııa OSK aqpan aıyndaǵy jer silkinisinen zardap shekken 11 provıntsııada daýys berý úshin qajetti sharalar qabyldady. Bul aımaqtarda daýys berý jáshikteri arnaıy konteınerler men mektepterde ornatylǵan.
Sheteldik ýchaskelerde daýys berýge 3,4 mıllıonnan astam adam qatysty. Olar úshin 73 elde jáne 156 sheteldik ókildikte saılaý komıssııalary quryldy. Túrkııanyń sheteldik ókildikterinde daýys berý protsesi 9 mamyrda aıaqtaldy.
Túrkııadaǵy prezıdent saılaýyna úsh kandıdat qatysady - qazirgi memleket basshysy Rejep Taıyp Erdoǵan, oppozıtsııalyq Halyqtyq-respýblıkalyq partııanyń jetekshisi Kemal Kylychdaroglý jáne «Alıans ATA» blogynyń kandıdaty Sınan Ogan.
Saılaýǵa qatysý úshin 24 saıası partııa jáne 151 táýelsiz kandıdat tirkelgen.
Eger úmitkerlerdiń eshqaısysy birinshi týrda absolıýtti kópshilik daýysqa ıe bolmasa, 28 mamyrda ekinshi týr ótedi.