Túrkııada prezıdent saılaýynyń aldyn ala qorytyndysy jarııalandy

ANKARA. QazAqparat – Túrkııanyń Joǵary saılaý keńesi prezıdent saılaýynyń ekinshi kezeńiniń aldyn ala qorytyndysyn jarııalaýǵa tyıymdy alyp tastady. Buǵan deıin jazǵanymyzdaı, ol Astana ýaqytymen saǵat 21.00-de alynady dep kútildi, dep habarlaıd QazAqparat menshikti tilshisi.

Osy ýaqytta ashylǵan jáshikter sany – 56,12%, Rejep Taııp Erdoǵan – 55,71%, Kemal Kylychdaroglý 44,29% daýys jınady.

Ózge aldyn ala málimetter boıynsha, bıýlletenderdiń 21% sanaldy:

Anka aqparat agenttigi:

Kylychdaroglý – 50,78%

Erdoǵan – 49,22%

Anadoly agenttigi:

Kylychdaroglý – 39,3%

Erdoǵan – 60,7%

Eske salaıyq, búgin Túrkııada prezıdent saılaýynyń ekinshi kezeńi ótti.

14 mamyrda ótken saılaýdyń birinshi kezeńinde kandıdattardyń eshbiri 50 protsent daýys jınaı almady: Túrkııanyń is basyndaǵy basshysy Rejep Taııp Erdoǵan – 49,52%, oppozıtsııalyq Halyq-respýblıkalyq partııasynyń kóshbasshysy Kemal Kylychdaroglý – 44,88%, «Alıans ATA» blogynan kandıdat Sınan Ogan – 5,17%, «Otan» partııasynyń ókili Mýharrem Indje 0,43%.
Saılaýdyń ekinshi kezeńinde jeńiske jetý úshin úmitkerler 50 paıyzdan astam daýys jınaýy tıis.