Túrkııada prezıdent saılaýy aıaqtaldy

ANKARA. TASS – QazAqparat – Túrkııa prezıdentin saılaýdyń ekinshi kezeńin ótkizý úshin ashylǵan daýys berý ýchaskeleri jeksenbi kúni, jergilikti ýaqytpen saǵat 17.00-de (Astana ýaqytymen 20.00-de) jabyldy. QazAqparat bul týraly TASS-qa silteme jasap habarlaıdy.

El ishinde jáne ózge memleketterde barlyǵy 191,8 myń jáshik ornatyldy. Saılaý ýchaskeleri búgin, saǵat 08.00-de ashylǵan bolatyn. Daýys berý aıaqtalysymen Túrkııanyń Joǵary saılaý keńesi (ortalyq saılaý komıssııasy) bıýlletenderdi sanaýǵa birden kirisedi. Kútilip otyrǵandaı, azdaǵan ýaqyttan soń aldyn ala qorytyndyny jarııalaýǵa tyıym alynatyn bolady.

Daýys berý quqyǵyna el ishindegi jáne odan tysqarý aýmaqtarda turatyn 64 mln túrik azamaty ıe. Shet memleketterde saılaý 24 mamyr kúni aıaqtaldy, bıýlletender Ankaraǵa jetkizildi. Daýys berý aıaqtalǵan soń olardy da sanaý bastalady.

Prezıdent saılaýy respýblıkanyń 81 provıntsııasynda aıtarlyqtaı quqyq buzýshylyqsyz ótti. Táripti 600 myńnan astam polıtsııa jáne jandarmerııa qyzmetkeri qadaǵalady.

Іs basyndaǵy prezıdent Rejep Taıı Erdoǵan Ystanbulda daýys berdi. Onyń qarsylasy, oppozıtsııadan kandıdat Kemal Kylychdaroglý óz tańdaýyn Ankarada jasady.

Saılaýdyń ekinshi kezeńinde jeńiske jetý úshin úmitkerler 50 paıyzdan astam daýys jınaýy tıis.

14 mamyrda ótken saılaýdyń birinshi kezeńinde kandıdattardyń eshbiri 50 protsent daýys jınaı almady: Túrkııanyń is basyndaǵy basshysy Rejep Taııp Erdoǵan – 49,52%, oppozıtsııalyq Halyq-respýblıkalyq partııasynyń kóshbasshysy Kemal Kylychdaroglý – 44,88%, «Alıans ATA» blogynan kandıdat Sınan Ogan – 5,17%, «Otan» partııasynyń ókili Mýharrem Indje 0,43%.