Túrkııada órt sóndirýshiler tikushaǵy sý bógetine qulady: eki qyrǵyzstandyq izdestirilip jatyr
18:22, 17 Qyrkúıek 2023
Izmırdiń Menderes aýdanynda orman órtin sóndirý kezinde Tahtaly bógetinen sý almaq bolǵan tikushaq qulady. Tikushaqta bolǵan úsh adam izdestirilip jatyr, bireýi qutqaryldy, dep habarlaıdy QazAqparat TRT Haber saıtyna silteme jasap.
Keshe saǵat 23:53-te orman órtine jiberilgen tikushaqtardyń birimen baılanys úzilgen. Tekserý jumystary nátıjesinde tikushaqtyń Tahtaly sý bógetinen sý alǵany jáne sonda qulaǵany anyqtalǵan.
Bul aýdanǵa polıtsııa, jaǵalaý kúzeti, AFAD (TR Tótenshe jaǵdaılar mınıstrligi) jáne UMKE (Ulttyq medıtsınalyq qutqarý toby) jasaqtary jiberilgen. Ázirge tikushaqtyń ekinshi ushqyshy – Qyrǵyzstan azamaty qutqaryldy, ol aýyr jaǵdaıda aýrýhanaǵa jetkizildi.
Túrkııanyń aýyl jáne orman sharýashylyǵy mınıstri Ibragım ıÝmakly oqıǵanyń mán-jaıy men izdestirý-qutqarý jumystary týraly aıtyp berdi. Ázirge tikushaqtyń qulaǵan orny anyqtaldy.
«Menderestegi órt baqylaýymyzǵa alyndy. Tikushaqta bolǵan 4 adamnyń úsheýi – Qyrǵyzstan azamattary, bireýi túrik. Ázirge bir qyrǵyzstandyq aman tabyldy, onyń ómirine esh qaýip joq. Tikushaqtyń qulaǵan orny anyqtaldy, qutqarý jumystary jedel túrde júrgizilip jatyr», - dedi mınıstr.