Túrkııada Naýryzdy keńinen atap ótti

ASTANA. QazAqparat - Túrkııada Áz Naýryz merekesi keńinen toılandy. Ystambul, Manısa, Erzýrým, Kone jáne Antalıa qalalarynda Qazaqstan elshiliginiń qoldaýymen birqatar merekelik sharalar uıymdastyryldy.

Bul týraly dıplomatııalyq ókildiktiń baspasóz qyzmetinen habarlady.

Sharalarǵa Túrkııadaǵy QR Elshisi Janseıit Túımebaev, provıntsııalar men qalalardyń basshylary, ýnıversıtet rektorlary, dıplomatııalyq korpýs ókilderi, mádenıet jáne óner maıtalmandary, qazaq dıasporasy men qazaqstandyq stýdentter qatysty.

Merekelik sharada ulttyq salt-dástúr kórsetilip, qazaq dıasporasynyń ókilderi qonaqtarǵa qazaqtyń naýryz kóje jáne qymyz sııaqty ulttyq taǵamdaryn usyndy.

Kontserttik baǵdarlamada Dına Nurpeıisova atyndaǵy Atyraýdyń qazaq ult aspaptary akademııalyq orkestri óner kórsetip, kelýshilerge umytylmas kóńil-kúı syılady. Olar Qurmanǵazy, Dına, Túrkesh, Táttimbet, Abaı, Nartaı, Estaı, Yqylas jáne Nurǵısa Tilendıevtiń shyǵarmalaryn oryndady.

Sondaı-aq, Ystambul, Ankara jáne Manısa qalalarynda «Balalyq shaǵymnyń aspany» fılminiń túrikshe nusqasy kórsetilip, Qazaqstannyń damý jolyna arnalǵan fotokórme ótkizildi. Sonymen qatar, kórmege Qazaqstannyń elshiligi aýdarǵan kitaptar, atap aıtsaq, Abaı men Maǵjannyń óleńderi, QR Prezıdenti Nursultan Nazarbaevtyń tańdamaly 5 tomdyǵy men «Qazaqstan-Túrkııa: dostyq pen áriptestiktiń 20 jyly» kitaby, Elbasynyń Joldaýy jazylǵan broshıýralar qoıyldy.