Túrkııada maımyl sheshegin juqtyrǵandar sany artty
08:41, 03 Tamyz 2022
ANKARA. QazAqparat – Túrik dárigerleri elde maımyl sheshegin juqtyrýdyń 5 jaǵdaıyn anyqtady. Naýqastardyń tórteýi saýyǵyp, bir naýqas oqshaýlandyryldy, dep habarlaıdy QazAqparat menshikti tilshisi.
Túrkııanyń densaýlyq saqtaý mınıstrliginiń málimetinshe, búginde elde bul vırýsty juqtyrýdyń 5 jaǵdaıy tirkelgen. Naýqastardyń biri oqshaýlandyrylyp, qajetti medıtsınalyq kómek alyp jatyr. Tórt adam tolyq saýyǵyp, aýrýhanalardan shyǵaryldy. Naýqastarmen baılanysta bolǵan adamdarda syrqattaný belgileri baıqalmaǵan. Mamandar qarqyndy baqylaý júrgizip, osy kezeńde vırýstyń basqa jaǵdaılaryn anyqtaǵan joq.
Bul rette túrik mamandary maımyl sheshegine qarsy buryn jasalǵan vaktsınalar vırýstan 85% qorǵaıtynyna jáne vaktsınatsııa kez kelgen indettiń aldyn alýdaǵy mańyzdy qadam ekenine senimdi.