Túrkııada Maǵjan Jumabaev jylynyń saltanatty ashylýy ótti
Sharaǵa TÚRKSOI halyqaralyq uıymynyń bas hatshysy Dúısen Qaseıinov, Túrkııanyń Mədenıet jəne týrızm mınıstriniń orynbasary Hýseın ıAıman men Kastamoný qalasynyń gýbernatory ıAshar Karadenız qatysty. Sondaı-aq jıynǵa Kastamoný qalasynyń basshysy Tahsın Babash jəne Túrkııa qalalaryndaǵy gýbernatorlar men əkimder, Túrki elderiniń ókilderi men Maǵjan Jumabaev týǵan Soltústik Qazaqstan oblysynyń mədenıet qyzmetkerleri jəne Qazaqstandyq aqyn-jazýshylar da arnaıy shaqyryldy.
Jıynda týǵanyna 125 jyl tolǵan aıbyndy aqyndy bir mınýttyq únsizdikpen eske alǵan túrki jurty onyń ǵumyry men shyǵarmalarynan syr sherter beınefılm men Soltústik Qazaqstan oblysy ónerpazdary daıyndaǵan kontserttik baǵdarlamany tamashalady. Túrkııanyń Mədenıet jəne týrızm mınıstriniń orynbasary Hýseın ıAıman Maǵjan Jumabaevtyń óleńderin jatqa oqyp, kóptiń qurmetine bólendi. Aıta keterligi, Maǵjan óleńderi túrik tiline aýdarylyp, kitap bolyp basylyp shyqqan.
«Ataýly jyl aıasynda jeltoqsan aıyna deıin kóptegen is-sharalar men túrli kezdesýler ótkiziletin bolady. Maǵjan Jumabaev jylyna arnalǵan arnaıy baǵdarlamalar tek Kastamoný qalasynda ǵana emes, Túrkııaǵa qarasty basqa qalalarda da uıymdastyrylady» - deıdi TÚRKSOI uıymynyń bas hatshysy Dúısen Qaseıinov.
Esterińizge sala ketsek, TÚRKSOI-ǵa múshe elderdiń Mádenıet mınıstrleriniń Túrkistan qalasynda ótken HHHV Turaqty Keńesi otyrysynda Túrki elderiniń 2018 jylǵy mədenı astanasy dep Kastamoný qalasy bekitilgen bolatyn. Osy oraıda, 50-den asa is-sharalardy ótkizý josparǵa alynǵan. Maǵjan Jumabaevty eske alyp, túrkitildes elder arasynda keńinen nasıhattaýǵa arnalǵan is-shara 19 aqpan kúni Ankara qalasynda jalǵasady. Al 21 naýryz kúni «Kastamoný - Túrki áleminiń mádenı astanasy» jylynyń saltanatty ashylýy ótedi.