Túrkııada lańkestik uıymǵa qatysy bar degen kúdikpen 24 adam ustaldy

<p>ASTANA. KAZINFORM — Túrkııa Bas prokýratýrasynyń lańkestikke jáne uıymdasqan qylmysqa qatysty qylmystardy tergeý bólimi eldiń birneshe provıntsııasynda FETO terrorıstik uıymyna (Túrkııada tyıym salynǵan — red.) qatysy bar adamdardy ustady.</p>

Túrkııanyń qaýipsizdik kúshteri eldiń 9 provıntsııasynda júrgizgen is-sharalar barysynda FETO (Túrkııada tyıym salynǵan — red.) terrorıstik uıymyna qatysy bar 24 adam ustaldy. 

Onyń 14-i  — Túrik qarýly kúshteri qurlyq áskerleriniń sarbazdary. Biri meshitte ımam bolsa, ekinshisi buryn áskerı ınstıtýtta oqyǵan.

Qalǵan 8 adam basqa salalarda jumys istegen. 

Belgili bolǵandaı, olar adamdardy óz qataryna jınap júrgen.

Ol úshin olar Fethýllah Gıýlenniń «Hızmet» qozǵalysynyń (Túrkııada tyıym salynǵan — red.) ıdeıalaryna adal azamattardy paıdalanǵan.

Sonymen birge qazirgi kezde quqyq qorǵaý organdary olardyń jaqtastary men zańsyz uıymǵa qatysy bar basqa adamdardy anyqtaý jumystaryn júrgizip jatyr.