Túrkııada qutqarýshylar joǵalǵan qazaqstandyqtardy izdep jatyr

ASTANA. QazAqparat – QR Syrtqy ister mınıstrligi Túrkııanyń Hataı qalasynda joǵalǵan qazaqstandyqtardy izdestirip jatyr, dep habarlaıdy QazAqparat tilshisi.

«Bizdiń dıplomattar joǵalǵan qazaqstandyqtardyń týystarynan sońǵy mekenjaıyn bilgen soń, dereý túrik bıligine júgindi. Qazaqstan elshisi Erkebulan Sápıev Túrkııa ІІM basshylyǵymen kelissózder júrgizip, qutqarýshylar tobyn jiberdi. Qazir otandastarymyzdy sońǵy ret kórgen úıdiń orny tekserilip jatyr. Ázirge olar tek Sabına Mamedıarovany ǵan tapty. Jumys jalǵasýda. Qalǵan jigitterdi de tabady dep úmittenemiz», - dedi QR SІM resmı ókili Aıbek Smadııarov.

Aıta keteıik, Túrkııadaǵy jer silkinisinen keıin habarsyz ketken Sabına Mamadıarovaaman tabyldy.

Eń aldymen Astana Hub tehnoparkiniń halyqaralyq agenti Mırýs Qurmashev Hataı qalasynda joǵalyp ketti. Jer silkinisinen keıin Mıraspen baılanys úzilgen edi.

Keıin Mırýs Qurmashevtiń taǵy úsh áriptesi baılanysqa shyqpaı qaldy. Olardyń ekeýi qazaqstandyqtar jáne biri – Túrkııa azamaty.

Resmı aqparatqa sáıkes, Túrkııada jer silkinisi saldarynan 8 574 adam qaza tapty, zardap shekkenderdiń sany 49 133-ten asady.