Túrkııada koronavırýstyń eki jańa shtamy tabyldy
15:22, 04 Aqpan 2021
NUR-SULTAN. QazAqparat - Túrkııada koronavırýstyń eki jańa shtamy tabyldy, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Ondaǵy derekterge qaraǵanda, atalmysh habardy Túrkııanyń Densaýlyq saqtaý mınıstri Fahrettın koja málim etken.
«Bizdiń elde brıtandyq shtamnan basqa, ońtústik afrıkalyq shtamnyń eki jaǵdaıy jáne brazılııalyq túriniń bir jaǵdaıy tirkelgen», - dedi ol.
Túrkııada koronavırýs ınfektsııasy 2 mıllıon 259 myń adamnan rastalyp, 26,3 myń naýqas qaıtys bolǵan.