Túrkııada koronavırýstyń 50 mıllıonnan astam dozasy qoldanyldy
14:49, 02 Shilde 2021
ANKARA. QazAqparat - 1 shildedegi jaǵdaı boıynsha Túrkııada koronavırýske (COVID-19) qarsy vaktsınalardyń 50 mıllıonnan astam dozasy qoldanyldy, dep habarlaıdy QazAqparat Anadoly agenttisine silteme jasap.
Bul týraly Túrkııa prezıdenti Rejep Taıyp Erdoǵan aıtty.
«Vaktsına - pandemııamen kúreste eń tıimdi qarý. 1 shildedegi jaǵdaı boıynsha bizdiń elimizde koronavırýsqa qarsy vaktsınanyń 50 mıllıonnan astam dozasy qoldanyldy», - dedi Rejep Taıyp Erdoǵan.
Erdoǵan jaqynda belsendi túrde qoldanyla bastaıtyn túrik óndirisiniń TURKOVAC vaktsınasynyń arqasynda koronavırýs ınfektsııasymen kúres anaǵurlym aýqymdy jáne tıimdi bolatynyna senim bildirdi.
Myqty densaýlyq saqtaý júıesi, medıtsına qyzmetkerleriniń aıqyndylyǵy men azamattardyń sezimtaldyǵy Túrkııaǵa jaqyn arada qajetti maqsatqa jetýge múmkindik beredi, dep tolyqtyrdy ol.