Túrkııada koronavırýsqa qarsy vaktsına alǵandar 90 paıyzǵa jýyqtady

ANKARA. QazAqparat – 15 qarashadaǵy jaǵdaı boıynsha Túrkııada ekinshi ret vaktsına saldyrǵandar sany 80% quraıdy, al birinshi ret alǵandar sany 89,9%-y quraǵan, dep habarlaıdy QazAqparat tilshisi Anadoly agenttigine silteme jasap.

Túrkııada ótken táýlikte COVID-19-ǵa 346 myń 642 adam test tapsyryp, sonyń ishinde 21 myń 624 adamnyń testi oń nátıje bergen. 189 adam kóz jumyp, jazylǵandar sany 20 myń 550 adamdy qurap otyr. Memleket turǵyndary tolyqtaı vaktsınamen qamtylǵan. Doza sany 118 mıllıonǵa artqan. Túrkııanyń ekinshi ret vaktsınatsııalanǵan provıntsııalary - Ordý, Amasıa, Mýgla, Osmanıe, Kyrklarelı, Chanakkale, Eskıshehır, Balykesır, Zongýldak pen Býrdýr. Eldiń densaýlyq saqtaý mınıstri F. Kodja áleýmettik jelidegi jeke akkaýntynda halyqty vaktsına saldyrýǵa shaqyrdy.

«Vaktsına saldyrǵandar sanyn arttyrý maqsatynda biz vaktsınany alǵan barlyq adamdardan qoldaý suraımyz. Barlyq jaqyndarymyz ben tanystarymyzǵa vaktsınatsııanyń paıdasy týraly aıtýymyz kerek», dedi densaýlyq saqtaý mınıstri.

Avtor: Aqjigit Chýkýbaev