Túrkııada halyqaralyq terrorlyq qurylymǵa qatysy bar degen kúdikpen 14 adam ustaldy

<p>ASTANA. KAZINFORM &ndash; Túrkııanyń Bas prokýratýrasynyń lańkestikke jáne uıymdasqan qylmysqa qatysty qylmystardy tergeý jónindegi bólimshesi eldiń birneshe provıntsııasynda IGIL (Qazaqstan aýmaǵynda tyıym salynǵan) terrorıstik uıymymen baılanysty adamdardy ustady.</p>

Ystanbul men Balykesırde ótkizilgen is-sharalar barysynda IGIL lańkestik uıymymen baılanysty túrli meshit pen medreselerde jumys istegen 14 adam ustaldy (Qazaqstan aýmaǵynda tyıym salynǵan). 

Ustalǵan adamdardyń atalǵan lańkestik uıym belsendi jumys isteıtin elderge adamdardy tartýmen jáne jóneltýmen aınalysqany aıtyldy. 

Ustalǵandar áleýmettik jelilerde nasıhattaý jáne muqtaj otbasylarǵa kómek uıymdastyrý arqyly qarapaıym azamattardy terrorızmmen baılanysty zańsyz áreketterge tartqan. 

Atalǵan qalalardyń prokýratýrasy 17 kúdiktini ustaý týraly qaýly shyǵarǵannan keıin quqyq qorǵaý organdary 14 adamdy ustady. Qalǵan úsh adamdy ustaý jumystary jalǵasyp jatyr.