Túrkııada halyqaralyq qylmystyq uıym músheleri ustaldy

<p>Túrkııanyń qaýipsizdik kúshteri halyqaralyq qylmystyq uıymdardyń úsh basshysyn ustady. Olardyń arasynda Interpolyń &laquo;qyzyl bıýlletenimen&raquo; izdeýde bolǵandar bar. Bul týraly áleýmettik jelide Túrkııa ІІM basshysy Álı Ierlıkaıa málimdedi. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.aa.com.tr/ru/%D1%82%D1%83%D1%80%D1%86%D0%B8%D1%8F/%D0%B2-%D1%82%D1%83%D1%80%D1%86%D0%B8%D0%B8-%D0%B7%D0%B0%D0%B4%D0%B5%D1%80%D0%B6%D0%B0%D0%BD%D1%8B-%D1%87%D0%BB%D0%B5%D0%BD%D1%8B-%D0%BC%D0%B5%D0%B6%D0%B4%D1%83%D0%BD%D0%B0%D1%80%D0%BE%D0%B4%D0%BD%D1%8B%D1%85-%D0%BF%D1%80%D0%B5%D1%81%D1%82%D1%83%D0%BF%D0%BD%D1%8B%D1%85-%D0%BE%D1%80%D0%B3%D0%B0%D0%BD%D0%B8%D0%B7%D0%B0%D1%86%D0%B8%D0%B9/3086491" target="_blank" rel="noopener">Anadoly</a> aqparat agenttigine silteme jasap habarlaıdy.&nbsp;</p>

«Qaýipti qylmyskerler Túrkııa polıtsııasy bas basqarmasynyń Esirtki qylmysyna qarsy kúres basqarmasymen kelise otyryp, Alanıa (Antalııa) jáne Ystanbulda uıymdastyrylǵan Kafes-21 operatsııasy aıasynda ustaldy», - dedi mınıstr.

Antalıa provıntsııasynyń Alanıa aýdanynda ustalǵan Tomas Djozef Konrad Interpoldyń «qyzyl bıýlleteni» boıynsha izdeýde boldy. Ol Polshada esirtki saýdasymen aınalysatyn, Marokkodan Italııa men Ispanııaǵa úlken kólemde esirtki jetkizip, sodan keıin Eýropanyń basqa elderine az mólsherde jóneltip júrgen uıymdasqan qylmystyq topty basqardy.

«Túrkııanyń qaýipsizdik kúshteri Interpoldyń «qyzyl bıýlletenimen» Qytaıda «alaıaqtyq jáne zańsyz áreketter» úshin izdeýde bolǵan Tszınkın Pendi Ystanbuldyń Fatıh aýdanynda ustady. Danıel Aleksandr Mıýllerge Germanııada bir tonna kokaınniń zańsyz aınalymyna qatysy bar degen aıyppen shuǵyl izdeý jarııalandy, ol Ystanbuldyń Beıoglý aýdanynda ustaldy», - dep atap ótti Á.Ierlıkaıa.

Ol Túrkııanyń quqyq qorǵaý organdary halyqaralyq qylmystyq uıymdardyń, esirtki satýshylar men bandalardyń el aýmaǵynda kez kelgen áreketine tosqaýyl qoıýdy jalǵastyratynyn basa aıtty.