Túrkııada ǵalymdar birden 11 ejelgi keremetti tapty

NUR-SULTAN. QazAqparat – Túrkııada álemdegi ejelgi ǵıbadathana keshenderiniń biri Gebeklı-Tepenyń mańaıynan arheologtar adamdardyń qolymen jasalǵan taǵy 11 iri tóbeni tapty, dep habarlaıdy QazAqparat Daily Sabah gazetine silteme jasap.

Basylymnyń aqparaty boıynsha, shamamen 12 myń jyl buryn turǵyzylǵan tóbeler úıindilermen qorshalǵan, olardyń ara qashyqtyǵy 100 shaqyrym.

Túrkııanyń Mádenıet jáne týrızm mınıstri Mehmet Nýrı Ersoı jýrnalısterge bergen suhbatynda ǵalymdardyń bul aýdandy «On eki tóbe» jáne «Túrkııanyń ońtústik-shyǵysyndaǵy pıramıdalar» dep ataǵanyn aıtyp ótti.

Gebeklı-Tepe 2011 jyldan bastap ıÝNESKO-nyń Búkilálemdik muralar tizimine kirgen, alǵash ret 1963 jyly Ystanbul jáne Chıkago arheologtary tapqan.

Keıinirek, 1995 jyly ǵalymdar bul jerlerde bıiktigi 3-6 metr, salmaǵy 40-60 tonna neolıt dáýiriniń T-tárizdi obelıskterin, sonymen qatar 12 myń jyldyq adam músinderi syndy túrli artefaktiler tapqan.