Túrkııada daýyl saldarynan teńiz tasyp, demalys oryndaryn sý basty

<p>Túrkııada Egeı jáne Jerorta teńizderi arnasynan asyp, sonyń saldarynan Izmır, Antalııa syndy iri qalalar sý astynda qaldy, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://www.trthaber.com/haber/turkiye/izmirde-deniz-tasti-sokaklar-su-altinda-kaldi-815774.html" target="_blank" rel="noopener">TRT Haber</a> arnasyna silteme jasap.&nbsp;</p>

Izmırde Qarshyıaka jáne Konak aýdandarynda jaǵalaýlar, baqtar, joldar, keńseler, kópqabatty úıler men dúkender sý astynda qaldy. Antalııada jańbyr jaýady. Daýylǵa baılanysty parom reısteri toqtatyldy.

Alsandjak jáne Kordon aımaqtarynda qaıyqtardaǵy qutqarýshylar sý basqan dámhanaǵa kelýshilerdi evakýatsııalady. Mavıshehırde sırenalar turǵyndarǵa sý tasqyny qaýpi týraly eskertti. Keıbir turǵyndar kólikterdi jerasty garajdarynan shyǵarýǵa tyrysyp jatyr. 

Ystambulda aýa temperatýrasy +8 gradýsqa deıin tómendedi. Sabıha Gókchen áýejaıyndaǵy reısterdiń 15 paıyzy keıinge qaldyryldy. Túrik bıligi aýa raıynyń qolaısyzdyǵyna baılanysty 64 provıntsııada «qyzǵylt sary» jáne «sary» dabyl deńgeıin jarııalady.