Túrkııada buryn sońdy bolmaǵan sýyq: termometr baǵany mınýs 33-ke deıin tómendedi

<p>ASTANA. KAZINFORM - Shyǵys Anatolııada jańa jyl aýa raıynyń kúrt sýytýymen bastaldy. Bul týraly <a href="https://azertag.az/ru/xeber/rekordnye_morozy_v_turcii_stolbiki_termometrov_opustilis_do_minus_33-3359519" target="_blank" rel="noopener">azertag.az</a> habarlady.&nbsp;</p>

4 qańtarǵa qaraǵan túni Erzýrým provıntsııasynyń Tekman aýdanynda termometr rekordtyq mınýs 33,1 gradýsqa deıin tómendegen. 

Túrkııanyń meteorologııalyq bas basqarmasy Erzýrýmdaǵy Gadjıomer aýylyn «eldegi sońǵy 24 saǵattaǵy eń sýyq núkte» dep jarııalady.

Ózender men kólderdi muz basyp qaldy. Turǵyndarǵa asa qajet bolmasa kóshege shyqpaýǵa keńes berildi.

Ardahan provıntsııasynyń Gele aýdanynda 28,8 gradýs aıaz, Erzındjannyń Chaıyrly aýdanynda - mınýs 27,8, Vannyń Chaldyran aýdanynda - mınýs 26,6, Sarykamyshta (Kars) - mınýs 22,1 boldy.

Meteorologııalyq ortalyqtyń habarlaýynsha, Túrkııanyń shyǵysyndaǵy qatty aıaz 8 qańtarǵa deıin jalǵasady.