Túrkııada bolǵan jer silkinisin birneshe provıntsııa turǵyndary sezdi

<p>ASTANA. KAZINFORM &ndash; Túrkııanyń soltústik batysynda kúshti jer silkinisi boldy. Jerasty dúmpýi bir mezette eldiń birneshe provıntsııasynda sezildi.</p>

Túrkııanyń tótenshe jaǵdaılar men tabıǵı apattardyń saldaryn joıý basqarmasynyń (AFAD) málimetteri boıynsha, Ystanbul mańyndaǵy Chanakkale portty qalasynda Rıhter baǵamy boıynsha 4,9 magnıtýdaly jer silkinisi boldy.

Vedomstvonyń habarlaýynsha, zilzalanyń oshaǵy Chanakkale provıntsııasyndaǵy Enıdje aýdanynda 10,44 km tereńdikti jatqan.

Eń kúshti jerasty dúmpýleri Chanakkale shyǵanaǵyna kiretin aımaqta sezilgen. Atalǵan portty qala Mármár jáne Egeı teńizderin jalǵap jatqan, Dardanella buǵazy jaǵalaýyndaǵy Kishi Azııa jartyaralynda ornalasqan. Sonymen qatar jer silkinisi Ystanbul, Manısa, Býrsa sııaqty jaqyn mańdaǵy kóptegen provıntsııalarda da sezilgen.

Túrkııa Іshki ister mınıstri Alı Ierlıkaıdyń aıtýynsha, qazirgi tańda jaǵdaı turaqty. Zilzaladan zardap shekkender joq. Quzyrly organ ókilderi qaladaǵy ǵımarattardy tekserip jatyr.