Túrkııada bir aıda 100-den astam lańkestiń kózi joıyldy

ANKARA. Anadoly- QazAqparat – Túrkııadaǵy lańkesttikke qarsy operatsııalar kezinde tek qarasha aıynda 103 terrorısttiń kózi joıyldy, dep habarlaıdy QazAqparat Anadoly aqparat agenttigine silteme jasap.

Bul týraly Túrkııa ishki ister mınıstriniń orynbasary Ismaıyl Chatakly málimdedi.

Onyń aıtýynsha, ótken aıda elde 11 868 qaýipsizdik operatsııasy (sonyń ishinde 11-i iri jáne 50 ortasha operatsııa) ótkizilgen. Kózi joıylǵan lańkesterdiń ekeýi eldiń ІІM izdeý salǵan asa qaýipti qylmyskerler tiziminde bolǵan.

Qarasha aıynda lańkestik uıymdarǵa qatysy bar degen kúdikpen 2110 adam ustalsa, onyń 376-sy sot sheshimimen qamaýǵa alyndy.

Túrkııa vıtse-mınıstri elde qarasha aıynda 17 lańkestik árekettiń joly kesilgenin atap ótti.

Eske salsaq, 13 qarasha kúni Túrkııanyń Ystanbul qalasyndaǵy Beıoglý aýdanyndaǵy Istıklıal jaıaý júrginshiler kóshesinde jarylys boldy. QazAqparat Túrkııadaǵy iri teraktiler hronıkasyn jasaǵan edi.

Foto: aa.com.tr