Túrkııada alǵash ret ýnıversıtette oqıtyn stýdent qyzdardyń úlesi uldardan asyp, 52% jetti

<p>ANKARA. KAZINFORM — Túrkııada ýnıversıtette oqıtyn árbir 100 adamnyń 52-si — qyzdar. Mundaı málimetti Túrkııa Joǵary bilim keńesi (YÖK) usyndy, dep jazdy <a href="https://www.aa.com.tr/ru/o%D0%B1%D1%80%D0%B0%D0%B7%D0%BE%D0%B2%D0%B0%D0%BD%D0%B8%D0%B5/%D0%B2-%D1%82%D1%83%D1%80%D1%86%D0%B8%D0%B8-52-%D0%B8%D0%B7-%D0%BA%D0%B0%D0%B6%D0%B4%D1%8B%D1%85-100-%D1%83%D1%87%D0%B0%D1%89%D0%B8%D1%85%D1%81%D1%8F-%D0%B2%D1%83%D0%B7%D0%BE%D0%B2-%D1%81%D1%82%D1%83%D0%B4%D0%B5%D0%BD%D1%82%D0%BA%D0%B8-/3137292" target="_blank" rel="noopener">Anadoly</a> agenttigi.  </p>

Túrkııadaǵy 208 joǵary oqý ornynda, onyń ishinde 129 memlekettik, qor janynan qurylǵan 75 ýnıversıtettejáne 4 joǵary kásiptik oqý ornynda 7 mln 503 myń 181 stýdent bilim alyp, 181 myń 498 oqytýshy jumys isteıdi.

Ótken jyly joǵary oqý ornynda oqıtyn qyzdardyń sany alǵash ret er stýdentterdiń sanynan asyp, 50,8 paıyzǵa jetti.

Bıyl bul kórsetkish odan da artyp, 51,7-ge jetti. 

Aqpandaǵy málimet boıynsha, joǵary oqý ornynda oqıtyn 7 mln 503 myń 181 stýdenttiń 3 mln 879 myń 512-si qyzdar, 3 mln 623 myń 669-y — uldar. 

2003 jyly 74 134 bolǵan túrik ýnıversıtetterindegi oqytýshy sany bıyl 181 498-ge jetti. Onyń 97 myń 291-i — erler bolsa, 84 myń 207-si — áıelder.

Osylaısha, akademıkterdiń jalpy sanyndaǵy áıel ǵalymdardyń úlesi 46,4 paıyzǵa jetti.  

Túrkııanyń joǵary bilim júıesinde áıel zertteýshi jáne áıel muǵalim sany da er adamdar sanynan asyp tústi. 

Túrkııadaǵy 42 myń 350 ǵylymı qyzmetkerdiń 22 myń 792-si áıelder, 19 myń 558-i er adamdar.

Sáıkesinshe, ǵalym áıelderdiń úlesi er ǵalymdardyń úlesinen 53,8 paıyzǵa asyp tústi. 

Sonymen qatar, 35 myń 776 oqytýshynyń 18 myń 444-i — áıelder, 17 myń 332-si — er adamdar. 

Osy málimetke sáıkes, áıel muǵalimderdiń úlesi er muǵalimderdiń úlesinen 51,6 paıyz artyq.