Túrkııada Abaıdyń 170 jyldyǵyna oraı «Temrın» jýrnalynyń arnaıy basylymy jaryq kórdi
QR-dyń Túrkııadaǵy Elshiliginiń baspasóz qyzmetinen habarlaǵandaı, jýrnaldyń 2016 jylǵy qańtar-aqpan aılary boıynsha jaryq kórgen arnaıy basylymy aqynnyń shyǵarmashylyǵy men ómirbaıanyna tolyǵymen arnaldy. Oǵan aqynnyń túrik tiline aýdarylǵan tańdaýly óleńderi men qara sózderi, sonymen qatar túrik jáne qazaq zamanaýı men ótken ǵasyr irileriniń kommenterııleri engen.
Uly qazaq klassıginiń shyǵarmashylyǵyna qatysty óz pikirlerin «Qazaq tarıhy» jýrnalynyń redaktory Ábdildabek Salyqbaı, jazýshylar Janabak Shaǵataı, Talaptan Ahmetjan, Serik Naǵımov, Ómirhan Ábdimanuly, Baqytjan Maıtanov, sonymen qatar qazaq ádebıetiniń zertteýshisi, túrik jazyshysy Ómer Kýchýkmehmetoǵlý bildirdi.
Kommenterıılerdiń ishinde ótken zaman irileri Mirjaqyp Dýlatovtyń jáne Júsipbek Aımaýytovtyń taqyryptyq maqalalary keltirilgen.
Abaıdyń klassıkalyq shyǵarmalaryn qamtyǵan jýrnaldyń túrik tilindegi arnaıy basylymy eldiń mádenı ımıdjin baýyrlas Túrkııanyń qoǵamdyq-saıası jáne ǵylymı-akademııalyq toptarynyń arasynda kóterýde mańyzdy úles qospaq.