Túrkııada 7 baldan asatyn jer silkinisi boldy

ANKARA. Anadoly – QazAqparat – Dúısenbide Túrkııanyń ońtústik-shyǵysyndaǵy Gazıantep provıntsııasynda 6,4-6,6 magnıtýdaly, keıin 7,4 magnıtýdaly qýatty jer silkinisi boldy. Bul týraly Memlekettik tótenshe jaǵdaılar basqarmasy (AFAD) málim etti, dep habarlaıdy QazAqparat Anadolyǵa silteme jasap.

Agenttik málimetinshe, 6,4 jáne 6,6 magnıtýdaly eki jerasty dúmpýi Nýrdagy aýdanynda, 6,6 magnıtýdaly jer silkinisi Islahıe aýdanynda tirkelgen. Zilzaladan ǵımarattar qıraǵan. AFAD málimetinshe, 7,4 balldyq jer silkinisi Kahramanmarash provıntsııasyndaǵy Pazardjık aýdanynda jergilikti ýaqyt boıynsha 04:17-de 7 km tereńdikte bolǵan. Sodan keıin jer silkinisi ár túrli aımaqtarda - Adana, Ankara, Antalıa, Gazıantep, Kaıserı, Mersın, Trabzon, Ýrfada sezilgen.

Túrkııanyń TRT memlekettik telearnasy tikeleı efırde Túrkııanyń ońtústik-shyǵysynda ornalasqan provıntsııalardyń kadrlaryn kórsetti. Onda turǵyndar sýyqqa qaramastan, zilzala qaıtalanýynan qorqyp, úılerin tastap ketip jatyr.

Aldyn ala málimet boıynsha, Shanlyýrfa provıntsııasynda kem degende 16 úı qırady.

Túrkııadaǵy jer silkinisinen keıin dabyldyń eń joǵary deńgeıi jarııalandy.

«Elde dabyldyń eń joǵary deńgeıi jarııalandy. Biz Tótenshe jaǵdaılar basqarmasymen birge óńirge qutqarýshylar jiberdik», - dedi eldiń ІІM.

Zilzalada zardap shekken aýdandarǵa gýmanıtarlyq kómekter artylǵan júk ushaqtary da ushyrylmaq, ol halyqaralyq kómekti qarastyrady.