Túrkııada 6,4 magnıtýdalyq jer silkinisi boldy

ANKARA. ANADOLY – QazAqparat – Dúısenbi kúni Túrkııanyń Hataı qalasyna qarasty Defne aýdanynda 6,4 magnıtýdaly jer silkinisi tirkeldi, dep habarlaıdy QazAqparat Túrkııanyń Anadolu agenttigine silteme jasap.

Agenttik taratqan aqparatqa qaraǵanda, zilzalanyń oshaǵy 2 km. tereńdikte jatyr.

Prezıdent Rejep Taııp Erdoǵan ońtústiktegi Hataı provıntsııasynda ornalasqan Túrkııa úkimeti janyndaǵy Tabıǵı apattar men tótenshe jaǵdaılar basqarmasynyń Úılestirý ortalyǵynda bolǵannan keıin Kahramanmarashtaǵy zilzala kezinde 114 834 adamnyń qutqarylǵanyn málim etti. Sondaı-aq 1 mln 684 adam ýaqytsha baspanamen qamtamasyz etildi.

Onyń sózinshe, birinshi kezeńde 100 myń konteınerlik úı paıdalanýǵa beriledi. Olardyń 65 myńy qurylyp jatyr. Qajet bolǵan jaǵdaıda olardyń sany 200 myńǵa jetkiziledi.

Prezıdent jer silkingen aımaqta turyp kelgen, qazirgi tańda palatkadan salynǵan úıler men modýldi qurylymdarda turyp jatqan adamdar jyl sońyna deıin jańa baspana alatynyn málim etti.

Túrkııa basshysy naýryz aıynan bastap, Hataı provıntsııasynda 40 426 úıdiń qurylysy batalatynyn jetkizdi. Olardyń ishinde Kahramanmarashta – 45067, Adyıamanda 25882, Gazıantepte 18 544 uı salynady.

Elıazyg provıntsııasynda 3 750, Adanda – 2 500, Kılıste 250 úı salynady.

Eske salaıyq, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.

Túrkııada jer silkinisinen qaza tapqandar sany 41 myńnan asty.