Túrkııada 5,4 magnıtýdasymen jer silkindi

TASS. QazAqparat – Sársenbi kúni Túrkııanyń shyǵys bóliginde 5,4 magnıtýdasymen jer silkindi. Bul týraly Eýropa-Jerorta teńizi seısmologııalyq ortalyǵynan málim etti, dep habarlaıdy QazAqparat TASS agenttigine silteme jasap.

Derekke sáıkes, jerasty dúmpýiniń oshaǵy 31,4 myń halqy bar Býlanyk qalasynan ońtústik-batysqa qaraı 33 shaqyrym jerde ornalasty. Tereńdigi – 60 shaqyrym.

Eske salaıyq, 6 aqpan kúni Túrkııanyń ońtústik-shyǵysyndaǵy Kahramanmarash provıntsııasynda 7,7 magnıtýdasymen jer silkinisi boldy. Zilzala sońynan júzdegen aftershok qaıtalandy. Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.

Sońǵy málimet boıynsha Túrkııada qaza bolǵandar sany 9 myńnan asty, 52 myńnan astam adam zardap shekti. Sırııa densaýlyq mınıstrliginiń aqparatyna súıensek, elde kem kedegende 2,8 myń adam kóz jumdy, 4 myńnan astam adam jaraqat aldy.

Foto: www.semana.com