Túrkııada 14 saǵatqa sozylǵan otadan keıin sıam egizderi sátti ajyratyldy

<p>ASTANA. KAZINFORM &ndash; Operatsııany basqarǵan brıtanııalyq hırýrgtar operatsııaǵa daıyndyq kezinde alǵash ret zamanaýı 3D tehnologııalardy paıdalandy, dep jazady <a href="https://news.sky.com/story/amp/rare-conjoined-twin-girls-separated-after-14-hour-operation-13216788" target="_blank" rel="noopener">Sky News</a>.</p>

Brıtanııalyq jetekshi hırýrg 14 saǵatqa sozylǵan kúrdeli operatsııadan keıin bastary qosylyp ketken bir jasar pákistandyq egizder Mınal men Mırhandy sátti ajyratty.

Great Ormond Street aýrýhanasynyń professory Nýr ýl-Ovase Djılanı Túrkııada qyzdarǵa kúrdeli ota jasaý úshin alǵash 3D zamanaýı tehnologııasyn paıdalandy.

Eki naýqas qazir aýrýhanada em qabyldap jatyr jáne kelesi aıda Pákistanǵa oralady. Náresteler tolyq saýyǵyp, qalypty ómir súredi dep kútilýde.

19 shildede Ankaradaǵy Bılkent aýrýhanasynda jasalǵan otaǵa jergilikti dárigerler de qatysty. Bul protsedýra eki kezeńdi operatsııany qajet etti jáne úsh aıda aıaqtaldy. Sońǵy hırýrgııalyq protsedýra 14 saǵatqa sozyldy.

Pákistandyq qyzdardyń bastary biriktirilgendikten kranıopagýs egizderi dep atalady. Olar ómirlik mańyzdy qan tamyrlary men mı tinderin bólisti, sondyqtan olardy bólý úshin óte kúrdeli hırýrgııalyq protsedýra qajet boldy.

Foto: news.sky.com

AR tehnologııasy 3D keskinderdi fızıkalyq álemmen biriktiredi jáne kúrdeli operatsııalar kezinde dáldikti arttyrý úshin qoldanylady. Bul hırýrgqa patsıentti jaqsyraq kórýge kómektesedi.

Professor Djılanı bul tehnologııamen kóptegen kúndelikti operatsııalar áldeqaıda qaýipsiz jáne tıimdirek oryndalatynyn atap ótti.

Djılanı buǵan deıin sıam egizderi: 2022 jyly Brazılııada úsh jasar uldarǵa, 2021 jyly Izraılde bir jasar qyzdarǵa jáne 2019 jyly Pákistanda eki jasar qyzdarǵa birneshe ota jasaǵan.