Túrkııa jastary Qazaqstanǵa kelip, Nazarbaevtan prezıdenttikten bas tartpaýdy ótinbek bolǵan
Kúrshat Zorlý túrik eli Túrkııa men Reseı arasyndaǵy máseleni sheshýge aıryqsha úles qosqany úshin QR Tuńǵysh Prezıdentine sheksiz alǵysyn bildiretinin basa aıtty. Sırııaǵa qatysty kelissózder Elbasy N.Nazarbaevtyń bitimgerlik qasıetin anyq tanytqanyn atap ótti.
"Prezıdenttik ókilettigińizden óz erkińizben bas tartý týraly sheshimińizdi de Túrkııadaǵy mıllıondaǵan halyq qadaǵalady. Sizge jetkizgim keledi, osy habardy Túrkııa estigen kezde jurtshylyq qatty ókinish bildirdi. Al eń qyzyǵy áleýmettik jelide qyzý pikirtalas bolyp, jastarymyzdyń kópshiligi Qazaqstanǵa kelip, sheshimińizden bas tartýyńyzdy ótingisi keldi. Árıne, sizdiń salıqaly sheshimińiz álemdik kóshbasshylyq tarıhynda altyn áriptermen jazylyp qalatyn bolady. Óıtkeni mundaı sheshimdi tek elin oılaǵan naǵyz lıder ǵana is júzine asyra alady", - dedi ol.
Onyń atap ótýinshe, Qazaqstan qazirgi tańda táýelsizdigi jańa ǵana tanylǵan jas memleket emes, álem tanyp qurmet kórsetken bolashaǵyna nyq senimmen qaraǵan máńgilik el.
"Sizdiń táýelsizdiktiń alǵashqy jyldarynda kótergen túrki álemin biriktirý ıdeıańyz búgingi tańda tolyq iske asty. Sizdiń bastamańyzben qurylǵan TúrkSOI, Túrki keńesi, Túrki akademııasy túrki tildes memleketterdiń temirqazyǵyna aınaldy. Siz bir sózińizde "Aq teńizden Altaıǵa deıingi ulan baıtaq jerdegi túrki dúnıesi yntymaq pen birlikte bolýy kerek" degen edińiz. Bul túsine bilgenge keleshek urpaqqa degen ósıetińiz", - dedi Kúrshat Zorlý.