Túrkııa turǵyndary Atatúrikti bir mınýt únsizdikpen eske aldy

ANKARA. Anadoly-QazAqparat – Túrkııa turǵyndary respýblıkanyń negizin qalaýshy, tanymal memleket qaıratkeri, saıasatker jáne reforma qurýshy Mustafa Kemal Atatúrikti únsizdik mınýtymen eske aldy, dep habarlaıdy QazAqparat Anadoly agenttigine silteme jasap.

Búkil el aýmaǵynda sársenbi jergilikti ýaqytpen saǵat 09:05-te únsizdiktiń jarııalanǵanyn bildiretin dabyl oınaldy. 83 jyl buryn dál osy mınýtta Ystanbuldaǵy «Dolmabahche» saraıynda Túrkııa Respýblıkasynyń negizin qalaýshy jáne tuńǵysh prezıdenti qaıtys bolǵan.

Elde kólik qozǵalysy bir mınýtqa tolyq toqtatylyp, kóptegen júrgizýshi men jolaýshylar kólikten shyǵyp, memlekettik qaıratkerge qurmet kórsetti. Dabyl oınatylyp bitken soń búkil elde resmı rásimder bastaldy. Olardyń bastysy Ankarada memlekettiń birinshi tulǵalarynyń qatysýymen ótip jatyr. Rásimderdiń biri Túrkııa parlamentinde ótedi, onda Atatúrik músinine gúl shoqtary qoıylady.

«Dolmabahche» saraıynyń janynda Ystanbul turǵyndary men qonaqtary kezekke. Olardyń barlyǵy Túrik respýblıkasynyń negizin qalaǵan qaıratkerdiń sońǵy kúnderin ótkizgen bólmege kirip shyǵýǵa nıetti. Túrkııanyń birinshi prezıdenti 1938 jyldyń 10 qarashasynda 57 jasynda dúnıe saldy.