Túrkııa terrorızmge qarsy kúreste Irandy qoldaıdy - Erdoǵan

<p>Túrkııa prezıdenti Rejep Taıyp Erdoǵan ırandyq áriptesi Ibrahım Raısımen telefon arqyly sóılesip, Kerman provıntsııasynda bolǵan teraktide qurban bolǵandarǵa kóńil aıtty. <a href="https://www.aa.com.tr/ru/%D0%BF%D0%BE%D0%BB%D0%B8%D1%82%D0%B8%D0%BA%D0%B0/%D0%BB%D0%B8%D0%B4%D0%B5%D1%80%D1%8B-%D1%82%D1%83%D1%80%D1%86%D0%B8%D0%B8-%D0%B8-%D0%B8%D1%80%D0%B0%D0%BD%D0%B0-%D0%BE%D0%B1%D1%81%D1%83%D0%B4%D0%B8%D0%BB%D0%B8-%D1%82%D0%B5%D1%80%D0%B0%D0%BA%D1%82-%D0%B2-%D0%BA%D0%B5%D1%80%D0%BC%D0%B0%D0%BD%D0%B5/3099709" target="_blank" rel="noopener">Kazinform </a>bul týraly <a href="https://www.aa.com.tr/ru/%D0%BF%D0%BE%D0%BB%D0%B8%D1%82%D0%B8%D0%BA%D0%B0/%D0%BB%D0%B8%D0%B4%D0%B5%D1%80%D1%8B-%D1%82%D1%83%D1%80%D1%86%D0%B8%D0%B8-%D0%B8-%D0%B8%D1%80%D0%B0%D0%BD%D0%B0-%D0%BE%D0%B1%D1%81%D1%83%D0%B4%D0%B8%D0%BB%D0%B8-%D1%82%D0%B5%D1%80%D0%B0%D0%BA%D1%82-%D0%B2-%D0%BA%D0%B5%D1%80%D0%BC%D0%B0%D0%BD%D0%B5/3099709" target="_blank" rel="noopener">Anadoly </a>agenttigine silteme jasap habarlaıdy.</p>

Bul týraly Túrkııa prezıdenti ákimshiliginiń kommýnıkatsııalar bóliminiń habarlamasynda aıtylǵan.

Málimdemege sáıkes, túrik basshysy beıbit turǵyndarǵa baǵyttalǵan lańkestik áreketti aıyptady.

Memleket basshysy Túrkııanyń terrorızmmen kúreste Irandy qoldaıtynyna sendirdi.

Prezıdent Erdoǵan Irandy lańkestikpen kúreste birge áreket etýge shaqyratynyn qaıtalap aıtty.

Iran prezıdentiniń erteńge josparlanǵan Túrkııaǵa sapary keıinge qaldyryldy.

Irannyń Kerman provıntsııasynda Kasem Súleımanı beıiti mańynda bolǵan eki jarylys saldarynan qaza tapqandar sany 103-ke jetip, taǵy 211 adam jaralandy.

Oqıǵa 2020 jyldyń 3 qańtarynda Baǵdadta AQSh-tyń áýe shabýylynan ırandyq generaldyń qaıtys bolǵanyna 4 jyl tolǵanda oryn aldy.

Buǵan deıin Ibrahım Raısıdiń 4 qańtarda Ankaraǵa keletindigi habarlanǵan bolatyn. Olar Túrkııa-Iran joǵary deńgeıli yntymaqtastyq keńesiniń segizinshi otyrysyn ashpas buryn Túrkııa prezıdenti Rejep Taıyp Erdoǵanmen jeke kelissózder júrgizýi tıis edi.