Túrkııa prezıdenti Shvetsııanyń NATO-ǵa qosylýyn maquldaıtyn qujatqa qol qoıdy

<p>Túrkııa Prezıdenti Rejep Taııp Erdoǵan Shvetsııanyń NATO-ǵa qosylýyn maquldaıtyn qujatqa qol qoıdy. Bul týraly Túrkııa basshysynyń ákimshiliginen málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;agenttigi&nbsp;<a href="https://www.aa.com.tr/ru/%d0%bf%d0%be%d0%bb%d0%b8%d1%82%d0%b8%d0%ba%d0%b0/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%8d%d1%80%d0%b4%d0%be%d0%b3%d0%b0%d0%bd-%d0%bf%d0%be%d0%b4%d0%bf%d0%b8%d1%81%d0%b0%d0%bb-%d0%bf%d1%80%d0%be%d1%82%d0%be%d0%ba%d0%be%d0%bb-%d0%be-%d0%b2%d1%81%d1%82%d1%83%d0%bf%d0%bb%d0%b5%d0%bd%d0%b8%d0%b8-%d1%88%d0%b2%d0%b5%d1%86%d0%b8%d0%b8-%d0%b2-%d0%bd%d0%b0%d1%82%d0%be/3030326" target="_blank" rel="noopener">Anadolyǵa</a>&nbsp;silteme jasap.</p>

«2023 jyldyń 23 qazanynda Shvetsııanyń NATO-ǵa qosylýy týraly hattamaǵa prezıdent Rejep Taııp Erdoǵan qol qoıyp, qujat Túrkııanyń Uly ulttyq jınalysynyń qaraýyna jiberildi», - delingen prezıdent ákimshiliginiń baılanystar jónindegi basqarmasynyń áleýmettik jelidegi paraqshasynda.

Keıinnen NATO-nyń bas hatshysy Iens Stoltenberg Túrkııa basshysynyń bul qadamyna qoldaý bildirip, málimdeme jasady.

«Prezıdent Erdoǵanmen kezdesýde aıtyp ótkenimdeı, bul bútin Alıansty qýatty ári qaýipsiz ete túsedi», - dedi ol.

Seısenbi kúni I.Stoltenberg Shvetsııaǵa baryp, eldiń premer-mınıstri Krısterssonmen kezdesedi.

Buǵan deıin habarlanǵandaı, shilde aıynda Túrkııa Shvetsııanyń NATO-ǵa qosylýyn quptaýǵa kelisti. Onyń aldynda Ankara bul usynysty qoldamaı kelgen edi.