Túrkııa Reseıge taýyq jumyrtqasyn eksporttaı bastady

<p>Túrik kompanııalary alǵash ret Reseıge taýyq jumyrtqasyn eksporttaı bastady. Túrkııanyń jumyrtqa óndirýshiler odaǵy basqarma keńesiniń basshysy Ibrahım Afıon ónimdi jetkizýde qıyndyqtar bolmaıtynyna sendirdi. <a href="Kazinform." target="_blank" rel="noopener">Kazinform</a> bul týraly <a href="https://tass.ru/ekonomika/19524093" target="_blank" rel="noopener">TASS</a> jańalyqtaryna silteme jasap habarlaıdy.&nbsp;</p>

«Bizdiń úsh fırma alǵashqy jetkizilimderdi bastady. Reseı Federatsııasyna taýyq jumyrtqasyn jetkizýge 21 túrik kompanııasy ruqsat aldy. Eksportqa baılanysty problemalar bolmaıdy, biz Reseı tarabynyń barlyq qajettiligin jabýǵa daıynbyz», - dedi kásipker. 

Reseıde jumyrtqa baǵasynyń ósýine baılanysty Reseı aýyl sharýashylyǵyn baqylaý komıteti túrkııalyq 21 kásiporynǵa jumyrtqa jetkizýge ruqsat berdi. RF Aýyl sharýashylyǵy mınıstrliginiń habarlaýynsha, alǵashqy jumyrtqalar jaqyn kúnderi jetkiziledi. 

«Túrkııa kún saıyn shamamen 70 mıllıon taýyq jumyrtqasyn óndiredi. Bul kórsetkish boıynsha elimiz álemde toǵyzynshy orynda. Elde taýyq jumyrtqasyn óndirýmen aınalysatyn 470-ke jýyq kásiporyn bar, olardyń 110-y eksportqa shyǵarýmen aınalysady», - dedi beıindi odaq basshysy.