Túrkııa prezıdenti Ystanbulda prezıdent jáne parlament saılaýyna qatysty

ASTANA. QazAqparat - Túrkııa prezıdenti Rejep Taıyp Erdoǵan Ystanbulda prezıdent jáne parlament saılaýyna qatysty. Bul týraly QazAqparat Anadolýǵa siltememen habarlaıdy.

Eske salaıyq, búgin Túrkııada prezıdent jáne parlament saılaýy ótip jatyr.
Túrkııadaǵy prezıdent saılaýyna úsh kandıdat qatysyp jatyr - qazirgi prezıdent Rejep Taıyp Erdoǵan, oppozıtsııa kandıdaty Kemal Kylychdaroglý jáne «Alıans ATA» kandıdaty Sınan Ogan.
Sonymen qatar, Túrkııanyń Uly Ulttyq jınalysyna 87 saılaý okrýginen 600 depýtat túsip jatyr. Saılaýǵa 24 partııa men 151 táýelsiz kandıdat qatysýda.
Túrkııada 191 000-nan astam daýys berý jáshigi ornatyldy. Elde 60 697 843 saılaýshy tirkelgen. Olardyń 5 mıllıonǵa jýyǵy birinshi ret daýys beredi.
Daýys berý jergilikti ýaqyt boıynsha 08:00-de bastalyp, 17:00-ge deıin jalǵasady. Joǵary saılaý keńesiniń (JSK) tóraǵasy Ahmet Iener aldyn ala nátıjeler sol kúni jarııalanatynyn málimdedi.