Túrkııa prezıdenti jer silkinisinen zardap shekken turǵyndarǵa baspana kiltin tabys etti

<p>ASTANA. KAZINFORM - Túrkııa prezıdenti Rejep Taııp Erdoǵan Hataıda jer silkinisinen zardap shekken turǵyndarǵa baspana kiltin tabys etý rásiminde sóz sóıledi. Bul týraly <a href="https://www.aa.com.tr/ru/%D0%BF%D0%BE%D0%BB%D0%B8%D1%82%D0%B8%D0%BA%D0%B0/%D0%BF%D1%80%D0%B5%D0%B7%D0%B8%D0%B4%D0%B5%D0%BD%D1%82-%D1%8D%D1%80%D0%B4%D0%BE%D0%B3%D0%B0%D0%BD-%D1%81%D0%B4%D0%B0%D1%87%D0%B0-75-%D1%82%D1%8B%D1%81%D1%8F%D1%87-%D0%B4%D0%BE%D0%BC%D0%BE%D0%B2-%D0%B2-%D0%B7%D0%BE%D0%BD%D0%B5-%D0%B7%D0%B5%D0%BC%D0%BB%D0%B5%D1%82%D1%80%D1%8F%D1%81%D0%B5%D0%BD%D0%B8%D1%8F-%D1%81%D0%BE%D1%81%D1%82%D0%BE%D0%B8%D1%82%D1%81%D1%8F-%D0%B2-%D1%82%D0%B5%D1%87%D0%B5%D0%BD%D0%B8%D0%B5-2-%D0%BC%D0%B5%D1%81%D1%8F%D1%86%D0%B5%D0%B2/3126994" target="_blank" rel="noopener">Anadoly</a> aqparat agenttigi jazdy.</p>

«Zertteý jumystary júrgizilgennen keıin jer silkinisi bolǵan aımaqta benefıtsıar sany 390 myń adam bolatyny anyqtaldy. Búgin biz 7 myń 275 azamatqa baspana kiltin tabystap jatyrmyz, onyń 6 myń 572-si provıntsııa jáne aýdan ortalyqtarynda, 703-i - aýyldyq jerlerde», - dedi prezıdent Erdoǵan.

Túrkııa prezıdentiniń aıtýynsha, zilzala bolǵan aımaqta taǵy 75 myń úı 2 aı ishinde tapsyrylady.

«Jyldyń sońyna deıin biz 200 myń úıdi tapsyryp, birinshi tas qalanǵannan keıin qurlysyty bir jyl ishinde aıaqtaý týraly ýádemizdi oryndaımyz. Bizdiń maqsatymyz – aı saıyn 15-20 myń úı men kenttegi úılerdi zańdy ıelerine berý», - dedi Rejep Taııp Erdoǵan.

Foto: Anadoly

«Azamattarymyz tynysh bolsyn. Olar óz memleketi men úkimetine senýi kerek. Maqsattarymyzǵa qaraı alǵa jyljyp jatqanda yqtımal qaýipterdi, ásirese jer silkinisterin, lańkestik jáne ekonomıkalyq tuzaqtardy bir-birlep joıýǵa bel býdyq», - dep atap ótti Túrkııa prezıdenti sóz sońynda.

Eske sala ketsek, 6 aqpanda epıtsentri Túrkııanyń ońtústik-shyǵysyndaǵy Qahramanmarashta magnıtýdasy 7-den asatyn eki jer silkinisi boldy. Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada da sezildi. Túrkııa men Sırııada myńdaǵan adam qaza tapty. Túrkııanyń ońtústik-shyǵysynda bolǵan joıqyn jer silkinisinen qaza tapqandar sany 50 myń adamnan asty.