Túrkııa Prezıdenti Rejep Taııp Erdoǵan Astanaǵa keldi

<p>Túrkııa Prezıdenti Rejep Taııp Erdoǵan mingen ushaq Astana áýejaıyna qondy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Foto: Úkimettiń baspasóz qyzmeti

Túrkııa delegatsııasynyń borty Túrkııanyń alqyzyl týymen bezendirilgen. Jaqynda ǵana Túrkııa Respýblıkasynyń 100 jyldyǵy toılanǵan edi.

R. Erdoǵandy saltanatty túrde qarsy alýǵa Qazaqstan Respýblıkasynyń Premer-Mınıstri Álıhan Smaıylov arnaıy bardy. Túrkııa kóshbasshysyna qyzyl shoq gúlder tabys etildi.

Qazaqstan Premeri men Túrkııa basshysy áýejaıda sóılesti jáne arnaıy kólikpen R. Erdoǵan áýejaıdan shyqty.

Túrkııa basshysy 3 qarashada elordada Túrki memleketteri uıymynyń (TMU) mereıtoılyq H sammıtine qatysady. Mereıtoılyq kezdesýge Memleket basshysy Qasym-Jomart Toqaev Túrkııa kóshbasshysyn 16 naýryzda Ankarada ótken Túrki memleketteri uıymynyń sammıti barysynda shaqyrǵan bolatyn.

Bul jıynǵa Túrki memleketteri uıymyna múshe Ázerbaıjan, Qyrǵyzstan, Túrkııa, Ózbekstan prezıdentteri, sondaı-aq TMU-daǵy baqylaýshy memleketter – Majarstan men Túrikmenstan basshylary qatysady.

Aıta keteıik, 2021 jylǵy 12 qarashada Ystanbulda ótken Túrki tildes elderdiń yntymaqtastyq keńesi sammıtinde Túrki keńesiniń ataýy Túrki memleketteriniń uıymy bolyp ózgertildi.

Buǵan deıin Álıhan Smaıylov Astana áýejaıynda Ázerbaıjan Prezıdenti Ilham Álıev pen Qyrǵyzstan Prezıdenti Sadyr Japarovty qarsy alǵan edi.